Ni Tony Alamo
Ipagarupmo kadi nga ipalubos ti DIOS dagiti Sodomita idiay Langit? No kasta, masdaawak no apay a rinumekna dagiti siudad ti Sodoma, Gomorrah, Admah, ken Zeboim iti pira-piraso, pinuoranna ida, ken pinatadna ida iti daga. Masdaawak met no apay a pinagbalin ti DIOS ti asawa ni Lot kas monmon nga asin (Genesis 19:24-26). Daytoy ket gapu ta timmalyaw isuna iti likudan, ken gapu ta naikitikit pay laeng ti Sodoma iti natulawan a pusona. Binilin isuna ti anghel a saan a tumaltalyaw (Genesis 19:17).
Nabagaan isuna a saan uray tumalyaw man laeng iti dayta dakes a siudad gapu ta kabusor ti DIOS ti basol. Imbaga dagiti anghel, “Ta pucawenminto [dadaelenmi] daytoy a disso, gapu ta ti ariwawada pimmigsa unay iti sango ni JEHOVA; ket ni JEHOVA imbaonnacami tapno pucawenmi [dadaelenmi] ida” (Genesis 19:13).
Ibaga ti Ezekiel 16:49-50 a ti basol ti Sodoma ken “kinapalangguad [‘Ti kinatangsit umununa ngem ti pannacadadael, ket ti napalangguad nga espiritu casacbayan ti pannacatnag.’ (Proverbio 16:18)], pannakapunno iti tinapay [kinabuklis: adda iti reprep a lugar a panganan iti dayta resort nga ili ti ragragsak], ken panaglaplapusanan iti kinasadut kenkuana ken dagiti annakna a babbai [ti kinasadut ket isu ti pagobraan ti diablo], saanna met a pinapigsa ti ima dagiti napanglaw ken agkasapulan [saanna pulos uray pinanunot laeng nga aramiden ti uray bassita trabaho ti APO]. Ken natangsitda, ken nagaramidda kadagiti makarimon iti imatangko [kuna ti DIOS].”1
Uray no agdinamag a nadakes ti siudad ti Sodoma, idi insina ni Lot ti bagina ken dagiti pastorna [dagiti agtartaraken kadagiti arbanna] manipud ken ni Abraham, pinilina nga ipasdek ti toldana iti lugar ti Sodoma (Genesis 13:5-13). Daytoy ket gapu ta ti nadam-eg a daga a naipalikmot iti siudad ken “nasayaat ti pannacapadanumda iti isu-amin a disso” (Genesis 13:10), nga addaan iti adu a kayo ti palma ken adu a ruot. Maysa daytoy a nalasbang a lugar. Ti Sodoma ket kasla iti Palm Springs, Las Vegas, Bel Air, wenno Beverly Hills. Agbibiag nga aglaplapusanan dagiti tattao sadiay iti kanito ti panagbiagda, ngem oh, anian ti kinamiserableda, dagiti Sodomita, ket addada ita idiay Impierno ken iti Danaw ti Apoy. Awan ti aniaman a naragsak a panganan a lugar wenno resort idiay Impierno wenno iti Danaw nga Apoy, awan ti nasayaat a makan, awan ti naimas. “Dica mangan iti tinapay ti nadangkes ti matana, dica met garteman dagiti naimas a canenna” (Proverbio 23:6).
Isalsalakan ti DIOS ti asawa ni Lot manipud iti pannakadadael, ngem adda latta ti Sodoma iti pusona. Ti aglawlaw ti Palm Springs/Las Vegas ket nasayaat launay kenkuana tapno ibbatanna. Ibaga ti Mateo 6:24, “Awan ti tao a macabalin nga agservi iti dua nga appo; ta guraennanto ti maysa ket ayatennanto ti sabali, wenno sumurotto iti maysa ket umsienna ti sabali: dicay mabalin ti agservi iti DIOS ken iti kinabacnang,” wenno ti DIOS ken siasinoman wenno aniaman pay. Iti kaso ti asawa ni Lot, inayatna ti Sodoma ken ginurana ti DIOS. Dayta ti rason no apay a “timmaliaw iti nalicudanna” (Genesis 19:26). Kumitkitaka kadi iti maysa a banag? Kas iti pornograpia? No sika ket kastoy, dayta ti naikitikit iti pusom.
Ti umuna ken kapapatgan a bilin iti Biblia ket naibaga idiay Marcos 12:28-31: “Ket dimteng ti maysa cadagiti escriba, ket nangngegna ida nga agsususic ket gapu ta ammona a sinungbatanna [NI JESUS] ida a naimbag, inintuudna KENCUANA: Ania ti cangronaan cadagiti bilbilin? Ni JESUS simmungbat: Ti umuna isu daytoy: Denggem, O Israel: Ti APO a DIOSTAYO isu ti maymaysa nga APO: Ket ayatem ti APO a DIOSMO iti AMIN a pusom, ken iti AMIN a cararuam, ken iti AMIN a panunotmo ken cadagiti ISUAMIN a pigsam. Ti maicadua isu daytoy: Ayatem ti caarrobam a cas iti bagim. Awan ti sabali a bilin a dacdackel ngem dagitoy.”2 Daytoy ket gapu ta no ayatem ti DIOS iti amin nga adda kenka ken ayatem ti kaarrubam a kas iti bukodmo, saanmo a papatayen isuna. Saanmo nga aguman ti aniaman nga adda kenkuana; saanka nga agtakaw iti aniaman manipud kenkuana. Saanka a mangyeg iti palso nga akusasyon kenkuana wenno ulbod maipapan kenkuana, ken saanka a makikamalala iti asawana. Raemem ti amam ken inam iti APO; salimetmetam ti aldaw a Panaginana iti pito nga aldaw iti tunggal lawas (dayta ket ti pannagna iti ESPIRITU a kankanayon3). Saanka nga agrukbab kadagiti didiosen, ken saanmo nga usaren ti nagan ti APO iti awan kaes-eskanna.4 No linabsingmo ti aniaman kadagitoy a bilin, iyapanna ti kararuam idiay Impierno, isu a kasla met laengen linabsingmo ida amin (Santiago 2:10).
Ita, kitaentayoman ti puso. Ayatentayo koma “ti APO a DIOS iti AMIN a puso [tayo]” (Marcos 12:30). Ita, ti puso ket maysa a pudno nga altar iti imatang ti DIOS. Inayat kadi ti asawa ni Lot ti DIOS iti AMIN a pusona? Saan! Ti pusona ket adda pay laeng idiay Sodoma idi padpadasen ti DIOS nga isalakan isuna manipud iti umay a pannakadadael. Ti pusona ket altar para iti Sodoma, saan a para iti DIOS. Kastoy met laeng kadagiti kaadduan a tattao ita ditoy daga, daytoy a lubong! Ti puso ket ti akin-uneg a kinasiasino nga agpanunot, agrikna, ken agkeddeng. Inkeddeng ti asawa ni Lot ti tumalyaw iti malikudan iti Sodoma gapu ta ti panunotna ket adda sadiay. Inkeddengna a pagtalinaeden ida sadiay.
Iti Biblia, ti sao a “puso” ket addaan iti nalawlawa a kaipapanan ngem iti moderno a panunot. Ti puso ket isu ti kasentroan iti maysa a tao. Nganngani amin a nakadakamatan ti puso iti Biblia ket mainaig iti dadduma nga aspeto ti personalidad ti tao. Iti Biblia, amin nga emosion ket mapadasan ti puso: ayat ken gura (Salmo 105:25, 1 Pedro 1:22); rag-o ken ladingit (Ecclesiastes 2:10, Juan 16:6); kappia ken kinapait (Ezekiel 27:31, Colosas 3:15); kinatured ken buteng (Genesis 42:28, Amos 2:16). Ti proseso ti panagpanunot ket nadakamat kas maar-aramid babaen iti puso. Ti intelektual a tignay ket mainaig iti maaw-awagan a “panunot” iti Ingles. Ngarud, ti puso ket mabalin nga agpanunot (Ester 6:6), makaawat (Job 38:36), agsirmata (Jeremias 9:14), manglagip (Deuteronomio 4:9); nasirib (Proverbio 2:10), ken makisao iti bukodna (Deuteronomio 7:17).
Ti panagkeddeng ket ar-aramiden met ti puso. Timmalyaw ti asawa ni Lot idi nabagaan a saan nga tumaltalyaw iti malikudan, kas kadagiti adda asawana a babbai tatta nga agkeddeng a makikamalala kadagiti assawada. Ti pusoda ket adda met idiay Sodoma kadwada ti asawa ni Lot. Isuda ket mabalin nga awagan, “agkakabsat.” Inkeddengda iti pusoda ti mangyeg iti palso nga akusasyon maibusor kadagiti lallaki, nga ibagbagada a rinamesda idi ngem saanda met a rinames ida. Daytoy ket epidemia, maysa a tsunami ti kinaulbod a nangkalub iti daga.
Kasta met ti gobierno ti lubong, a naisentro idiay Roma,5 ket nagkeddeng, iti aniaman a gatad, tapno tengngelenna ti tunggal nasion babaen iti panangikkatna kadagiti dati a panguloda ken suksukatanna ida kadagiti bukodna a tattao, a naadalan iti New World Order, iti gatad iti ginasgasut a million a biag. Ngem makitkita amin ti DIOS, nga adda iti amin a disso iti isu met laeng a panawen, ken uray dagiti nasantoan nga anghelna.6 Ammo ti DIOS dagiti pusotayo.7 Makitkitana nga awan dagiti kararag, awan dagiti insenso ti kararag, nga agpangpangato manipud kadagitoy nadadakes a puso dagiti lallaki ken babbai.
Dadduma pay nga aramid ti puso ket iti panggep (Aramid 11:23), intension (Hebreo 4:12), ken pagayatan (Efeso 6:6). Panggep, intension, wenno pagayatantayo ti sumurot iti APO wenno ti saan a sumurot KENKUANA. Kamauddiananna, masansan a ti kaipapanan ti puso ket ti pudno a kababalin wenno personalidad ti maysa a tao. Mainayon ditoy dagiti kababalin a kinasudi wenno kinadakes (Jeremias 3:17, Mateo 5:8); kinapudno wenno kinatangken—kas pangarigan, napudno para iti Sodoma ti puso ti asawa ni Lot ngem natangken para iti DIOS, ti APO, kas iti situasion ti kaadduan a populasion ti lubong iti agdama (Exodo 4:21, Colosas 3:22)—ken kinataeng wenno kinasukir (Salmo 101:2, Jeremias 5:23). Amin dagitoy iladawanda ti puso wenno ti pudno a kababalin ti indibidual. Ammo ti DIOS ti puso ti tunggal tao.
Ibaga ti umuna a Samuel 16:7, “Ngem ni JEHOVA kinunana ken Samuel, Dica kitaen ti langana, wenno iti cangato ti kinatayagna: agsipud ta isu saanco nga awaten; ta ni JEHOVA saan a cumita a cas iti ikikita ti tao; ta ti tao kitaenna iti akinruar a panagparang, ngem ni JEHOVA kitaenna ti puso.”
Gapu ta dagiti tattao ket agsao ken agtignay manipud iti pusoda, nasken a bantayanda ida a nasayaat (Mateo 15:18-19). “Igagam ta pusom iti amin a regtam; ta aggapu kencuana dagiti pagbanagan ti biag” (Proverbio 4:23).
Ti kangrunaan a rebbengen ti siasinoman ket ti mangayat iti DIOS iti amin a puso (Mateo 22:37). Babaen iti puso mamati ti maysa a tao ken ni CRISTO, ken gapu dita mapadasanna ti agpada nga ayat manipud iti DIOS ken ti presensia ni CRISTO iti pusona (Jeremias 29:13, Roma 5:5, 10:9-10, Efeso 3:17-19).
Ti altar iti Daan a Tulag ket simbolo dagiti pusotayo. Idi panawen ni Moises, inakem ti dua nga altar dagiti padi ti napateg nga akem iti ritual ti tabernakulo idiay let-ang. Dagitoy ket ti altar dagiti mapuoran a daton (mangisimbolo iti pannakatay ni CRISTO para kadagiti amin nga agbabawi kadagiti basolda8) ken ti altar ti insenso (mangisimbolo kadagiti kararag manipud kadagiti pusotayo nga addaan pammati iti DIOS ken ni CRISTO para kadagiti kiddawtayo KENKUANA9). Ti altar ti mapuoran a daton (Exodo 27:1-8) ket naikabil iti sango ti pagserrekan iti tabernakulo (Exodo 40:6). (Ti tabernakulo ket simbolotayo a namati, nga isu ti Bagi ni CRISTO, ti templona wenno tabernakulona.10)
Maipapan iti altar a nadakamat iti Paltiing 8:3 ken kadagiti kararagtayo manipud kadagiti pusotayo, mabasatayo, “Ket sabali nga angel ti immay ket nagtacder iti sangoanan ti altar, a nagiggem iti maysa a paginciensoan a balitoc; ket naited kencuana ti adu nga incienso, tapno inayonna cadagiti carcararag dagiti isu-amin a sasanto, iti rabaw di altar a balitoc [simbolo dagiti pusotayo], nga adda idi iti sangoanan di trono.”
Ita kitaentayo ti kararua. Ti biag ti kararua ket isu ti bukod a biag. Imbilin ti APO a nasken a laksidentayo dagiti bagitayo, a ti kayatna a saoen ket laksidentayo ti biag ti kararuatayo ken agbiagtayo iti espiritutayo.11 Idi inawattayo ti APO kas personal a Mannubbottayo, simrek ti ESPIRITUNA iti espiritutayo.12 Nasken nga agbiagtayo babaen iti ESPIRITU SANTO ken laksidentayo ti biag ti kararua, nga isu ti, dati a managbasol a biag. Ti biag ti kararuatayo ket insigida a malaksid inton agbiagtayo iti espiritutayo, nga aramidentayo inton ti ESPIRITU ti APO ket agbibiag ken agtigtignay iti espiritutayo.13
“Dicayo pagarupen nga immayac a mangiwara ti talna iti rabaw ti daga: saanac nga immay mangiwara ti talna, no di ket campilan [ti kampilan ket ti SAO ti DIOS14]. Ta immayac a mamagsupadi ti anac a lalaki iti amana, ken ti anac a babai iti inana, ken ti manugang a babai iti catuganganna a babai; Ket dagiti cabusor ti tao isudanto dagiti cabbalayna met laeng. Ti agayat iti ama wenno ina a nangnangrona ngem SIAC saan a maicari CANIAC; ket ti agayat iti anac a lalaki wenno babai a nangnangrona ngem SIAC saan a maicari CANIAC. Ket ti di mangibaclay ti cruzna ken sumurot CANIAC, saan a maicari CANIAC. [Naalas a dalan a pilien, ngem nasken nga alaentayo no kayattayo a busbosen ti agnanayon idiay Langit.] Ti mangipangpangrona iti [kararua wenno lasag] biagna, mapucawnanto; ket ti macapucaw iti [kararua wenno lasag] biagna gapu CANIAC, masaracannanto [ti biagna nga agnanayon]” (Mateo 10:34-39).
Ti wagas a panangpukawtayo iti biag ti kararua wenno linalasag a biag, ket inton agbalintayo a naespirituan unay ken agbiag launay iti ESPIRITU ti APO ta ti kararuatayo wenno linalasag a biag ket agsepenna laeng ti ESPIRITU SANTO, tapno ti kararuatayo wenno ti linalasag a biag ket naan-anay a DIOS, inalun-on ti DIOS. Daytoy ti kayat a saoen ti panangayat iti APO a DIOS iti amin a kararuatayo. Daytoy ket inton ti kararuatayo wenno linalasag a biag ket naan-anay a sinakop wenno tinagikua ti ESPIRITU ti DIOS. Inton mapasamak daytoy, impalubostayo ti APO a tungpalenna ti Nasantoan a Surat iti Efeso kapitulo 4, bersikulo 11-13, a mangibaga kadatayo, “Ket dagiti dadduma incabilna nga apostol; ket dagiti dadduma mammadto; ket dagiti dadduma evangelistas; ket dagiti sabsabali, paspastor ken mannursuro; A maipaay iti pannacapaananay dagiti sasanto a maipaay iti aramid ti panagservi, a maipaay iti pannacabangon ti Bagi ni CRISTO: Agingga iti macagtengtay amin iti panagmaymaysa ti pammati ken ti pannacaammo iti ANAC ti DIOS, iti casasaad ti tao a nataengan, iti rucod ti kinatayag ti pannacapunno ni CRISTO.” Manen, daytoy ti panangayat iti APO a DIOSMO iti amin a pusom ken iti amin a kararuam.Ita, para iti panangayat iti APO a DIOSTAYO iti amin a panunottayo, ibaga ti 1 Corinto 2:15-16, “Ngem ti tao a naespirituan mailasinna a sipupudno dagiti amin a banbanag ngem isu saan a mailasin ti siasinoman. Ta siasino ti nacaammo iti panunot ti APO, tapno isu isurona coma? Ngem adda cadatayo ti capanunutan ni CRISTO.” Ibaga ti Efeso 4:3-7, “Nga agawaanyo a salimetmetan ti panagmaymaysa ti ESPIRITU iti singgalut ti talna [nga iti kinapudno ket iti panangsalimetmet iti panunot ni CRISTO]. Adda maysa a bagi, ken maysa nga ESPIRITU, a cas met iti pannacaawisyo iti maysa nga inanama ti pannacaayabyo [nga isu ti panagbiag iti agnanayon idiay Langit a kadwa ti tallo ngem maymaysa a DIOS, dagiti anghelna, ken amin dagiti nasubbot]; Maysa nga APO, maysa a pammati, maysa a pammautizar, Maysa a DIOS ken AMA dagiti isu-amin, isu a panguloen dagiti isu-amin, ken adda iti nagtengaan dagiti isu-amin, ken adda cadacay amin. Ngem iti tunggal maysa cadatayo naiccan ti parabur, cas iti rucod ti sagut ni CRISTO.”
Mabalin a maaddaan dagiti tattao iti napabaro a panunot (Roma 12:2) ken nasudi (2 Pedro 3:1). Mabalinda nga ayaten ti DIOS iti amin a panunotda (Mateo 22:37, Marcos 12:30, Lucas 10:27). (Dayta ti amin a pampanunotenda. Agkararagda nga awan ressatna, kankanayon.15) Adda dagiti linteg ti DIOS a naimula kadagiti panunotda (Hebreo 8:10). Gapu ta adda kadatayo a Kristiano “ti panunot ni CRISTO” (1 Corinto 2:16), nabilintayo nga agkaykaysa iti panunot (Roma 12:16, 1 Pedro 3:8).
Ti panangayat iti APO a DIOSTAYO iti amin a pigsatayo ket isu iti panangsubbot iti tiempo. Ibaga ti Efeso 5:1-16, “Tuladenyo [surotenyo] ngarud ti DIOS, cas annac a madongdongngo; Ket magnacayo babaen ti ayat, a cas met ni CRISTO inayatnacayo ket intedna ti BAGINA gapu cadatayo cas sagut ken daton,[manipud iti pusom, ti altar, para iti DIOS] a nasayamosom ti banglona iti DIOS. Ngem ti pannakicamalala [pannakiabig] ken ti amin a kita ti kinarugit, wenno ti agum, saan man la coma a madukit cadacayo, cas mayannugot cadagiti sasanto; Ket uray dagiti naalas a panagsasao, ken dagiti awan capapayanna, ken dagiti panangsursuron, banbanag a di maipaay; no di ket dagiti coma panagiaman. Ta pagaammoyo unay, nga amin a mannakicamalala [pannakiabig], wenno tao a narugit, wenno naagum, isu a panagrucbab cadagiti didiosen, awan ti aniaman a tawidda iti pagarian ni CRISTO ken ti DIOS. Dicay coma paal-lilaw cadagiti sasao nga awan capapay-anna; ta gapu cadagitoy a banbanag umay ti pungtot ti DIOS cadagiti annac ti kinasukir. Saancayo ngarud a makiraman cadacuada: Ta idi naminsan dacay ti sipnget, ngem ita dacay ti silaw iti APO: magnacayo a cas annac ti lawag. (Ta ti bunga ti lawag ESPIRITU pulos nga imbag ken kinalinteg ken pudno). A padasenyo no ania ti pagayatan ti APO; Ket awan coma ti pakicadcadduaanyo cadagiti ar-aramid ti sipnget a di agbunga, no di ket babalawenyo coma ida; Ta dagiti banbanag nga aramidenda iti nalemmeng, nacababainda uray saritaen laeng ida. Ngem amin dagitoy a banbanag intono mababalawda maiparangarangda gapu iti lawag; ta amin a malawagan agbalinda a silaw. Gapuna masasao: Agriingca, sica a matmaturog, ket bumangonca, iti nagtengngaan dagiti natay, ket lawagannacanto ni CRISTO. Kitaenyo ngarud a siannad no casano ti pannagnayo, saan a cas la nacuneng, no di ket cas la masirib; Nga cailalaanyo ti gundaway a panagaramid ti naimbag, ta dagiti al-aldaw dakesda.”
Daytoy ket ababa a pakagupgopan no kasano a pagserbian ti APO iti AMIN a pusotayo, AMIN a kararuatayo, AMIN a panunottayo, ken AMIN a pigsatayo. Adu nga iglesia iti agdama ken adu a tattao iti ruar dagiti iglesia iti agdama ibagada kanyam a saanmo a kasapulan nga ayaten ti APO a DIOSMO iti amin a puso, kararua, panunot, ken pigsam. Ulbodda. Palsoda a profeta a nangballaagan ni JESUS kadatayo iti naminlima a daras iti laeng maikaduapulo ket uppat a kapitulo ti Mateo. Dagiti ballaagna ket para iti pagsayaatantayo.
Amin a banag iti daga ket palso. 6,000 a tawen laeng ti daga. Patiem kadi ti carbon machine, wenno patiem ti DIOS? Mabalinmo a patien a saan a nagbalin ti asawa ni Lot kas monmon nga asin, ngem imbaga ti DIOS a nagbalin isuna, ken sipupudno a patiek daytoy iti amin a pusok, kararuak, panunotko, ken pigsak. Kayatmo kadi ti rumwar iti daytoy a lubong, wenno kayatmo ti tumalyaw iti daytoy, kas iti inaramid ti asawa ni Lot? Naukom ti lubong ken amin a banag nga adda iti daytoy.16
No tarigagayam ti maaddaan iti biag nga agnanayon ken saan a maukom, ibagam daytoy a kararag:
APOK ken DIOSKO, maasi Ka kadi iti kararuak a managbasol.1 Mamatiak a ni JESU-CRISTO ket isu ti ANAK ti sibibiag a DIOS.2 Mamatiak a natay ISUNA idiay crus ken imbuyatna iti napateg a DARANA para iti pannakapakawan iti amin a napalabas a basolko.3 Mamatiak a ti DIOS pinagungarna ni JESUS manipud iti patay babaen iti pannakabalin ti NASANTOAN NGA ESPIRITU,4 ken agtugtugaw ISUNA iti makannawan nga ima ti DIOS ket iti agdama a dengdenggenna iti panangikonfesarko iti basolko ken iti daytoy a kararag.5 Ilukat ko ti ruangan daytoy pusok, ket AWISENKA ditoy pusok, APO JESUS.6 Ugasam amin dagiti narugit a basolko babaen iti napateg a dara nga IMBUYATMO iti lugarko iti krus idiay Kalbario. 7 SAANNAKTO a paglikudan, APO JESUS; PAKAWANEMTO dagiti basolko ken isalakanmo iti kararuak. Ammok gapu ta ti SAOM, ti Biblia, isu ti ibagana.8 Ibaga ti SAOM a SAANMONTO a paglikudan iti siasinoman, ket mairamanak dita.9 Ngarud, ammok a NANGNGEGNAK, ken ammok a SINUNGBATANNAK, ken ammok a naisalakanakon.10 Agyamanak KENKA, APO JESUS, iti panangisalakanmo ditoy kararuak, ket ipakitak iti panagyamanko babaen iti panagtulnogko kas AGMANDARKA ken babaen iti saankon a panagbasol.11
Kalpasan ti pannakaisalakan, ni Jesus imbagana nga agpabautisarka iti naan-anay a pannakaipabatok iti danum, iti nagan ti AMA, ken ti ANAK, ken ti ESPIRITU SANTO.12 Adalem ti Santa Biblia [ti Ingles a King James Version] ken aramidem no ania ti ibagana.13
Ti APO kayatna nga ibagam iti dadduma ti pannakaisalakanmo. Mabalinmo ti agbalin a tagawaras kadagiti babasaen a maipapan iti Ebanghelyo nga insurat ni Pastor Tony Alamo. Ipaw-itmi ti babasaen kenka nga awan bayadna. Agtawag wenno ag-email ka kanyami para iti ad-adupay nga impormasyon. Ibingaymo daytoy a mensahe iti dadduma.
No kayatmo ti lubong a maisalakan, kas inmandar ni JESUS, saanmo ngarud a taktakawan ti DIOS kadagiti KUKUANA nga apagkapullo ken datdaton. Kuna ti DIOS, “Takawan kadi ti tao iti DIOS? Ngem TAKTAKAWANDAK. Ngem ibagayo, sadinno ti nangtakawanmi KENKA? Kadagiti apagkapullo ken datdaton. Nailunod kayo iti lunod: gapu ta TINAKAWANDAK, uray pay daytoy buo a nasion [ken daytoy buo a lubong]. Yegyo amin dagiti apagkapullo [ti apagkapullo ket iti 10% iti amin a pastrekmo] iti kamalig, tapno addanto ti karne [Naespirituan a makan] iti BALAYKO [naisalakan a karkararua], ken PADASENDAK iti daytoy, kuna ti APO dagiti BUYBUYOT, no saankonto nga ilukat kenka dagiti tawtawa ti Langit, ken ibuyatko kenka ti bendision, nga awanto ti kwarto a makalaon a mangawat iti daytoy. Ken ungtakto ti mangdadael para kadakayo, ket saannanto a dadaelen dagiti bunga ti dagayo; uray pay dagiti ubasyo saanda nga ited ti bungada sakbay iti panawenna, kuna ti APO dagiti BUYBUYOT. Ken amin dagiti nasion ket awagandakanto a nabendisionan: ta sikanto ket makaay-ayo a daga, kuna ti APO dagiti BUYBUYOT” (Malakias 3:8-12).
Kontaken dakami para iti ad-adupay nga imformasion wenno babasaen iti dadduma a topiko nga ayan ti interesmo.
Tony Alamo, World Pastor, Tony Alamo Christian Ministries Worldwide
P.O. Box 2948, Hollywood, CA 90078 USA
Linya ti 24-Oras a Panagkararag ken Imformasion: (661) 252-5686 • Fax (661) 252-4362
Ti Sangalubongan a Nakristianoan a Ministri ni Tony Alamo ket mangipaay iti lugar a mabalin a pagtalinaedan nga addaan kadagiti bambanag a nasken iti panagbiag para kadagidiay adda iti lokasion ti U.S. a pudno nga agtarigagay nga agserbi iti APO iti amin a puso, kararua, panunot ken pigsa.
Dagiti Gimong a maar-aramid iti Siudad ti New York Tunggal Martes iti 8 P.M. ken iti dadduma a lokasion iti rinabii.
Tawagan (908) 937-5723 para iti imformasion. ADDA MAIDASAR A MAKAN KALPASAN TI TUNGGAL GIMONG.
Dawatem iti libro ni Pastor Alamo, Ti Mesias, a mangiparang ken ni Cristo manipud iti Daan a Tulag iti nasurok a 333 a padto.
Makipagtrabahoka iti panagapit iti kararua babaen iti panangiwarasmo kadagiti babasaen a sinurat ni Pastor Alamo.
Amin dagiti babasaen ken dedenggen a mensahe ket awan bayadna, agramanen ti pannakaibusonna.
Nu adda ti agpabpabayad kadakayo, tawagam daytoy a numero (661) 252-5686 collect.
LINAON DAYTOY A BABASAEN TI PUDNO A PANGGEP TI DIOS A PANANGISALAKAN (Aramid 4:12).
SAAN MO NGA IBELBELLENG, IPASAM ITI SABALI.
Kadakayo nga adda iti dadduma a nasion, awisendakayo a mangipatarus iti daytoy a babasaen iti bukodyo a pagsasao.
Nu iprintayo manen, inayunyo daytoy a kalintegan iti kopya ken pannakairehistro:
© Kalintegan iti kopya Nobyembre 1995, 2012, 2013, 2014 Amin a kalintegan naited World Pastor Tony Alamo ® Pannakarehistro Nobyembre 1995, 2012, 2013, 2014
footnotes:
1. Lev. 18:22, 20:13, Deut. 22:5, 23:17-18, 1 Ari 14:24, Judas 7 return
2. Deut. 4:29, 6:5, 10:12, 11:13, 13:3-4, 26:16, 30:6, Jos. 22:5, Mat. 22:37-40, Luc. 10:27, San. 2:8-9 return
3. Rom. 8:1-14, Gal. 5:14-25 return
4. Ex. 20:1-17, Deut. 5:1-22 return
5. 1 Sam. 16:7, 2 Cron. 16:9, Job 34:21, Sal. 44:21, 139:3-12, 147:4-5, Isa. 46:9-10, Jer. 1:4-5, 23:23-24, 32:18-19, Amos 9:1-4, Zac. 4:10, Mat. 6:8, 31-32, 10:26, 12:36, 25:31-46, Marc. 4:22, Luc. 8:17, 12:2, Ara. 15:18, Heb. 4:13, 1 Juan 3:20, Judas 14-15 return
6. 1 Sam. 16:7, 2 Chron. 16:9, Job 34:21, Psa. 44:21, 139:3-12, 147:4-5, Isa. 46:9-10, Jer. 1:4-5, 23:23-24, 32:18-19, Amos 9:1-4, Zech. 4:10, Matt. 6:8, 31-32, 10:26, 12:36, 25:31-46, Mark 4:22, Luke 8:17, 12:2, Acts 15:18, Heb. 4:13, 1 John 3:20, Jude 14-15 return
7. Gen. 6:5-7, 1 Cron. 28:9, 2 Cron. 19:2-3, 32:31, Sal. 44:20-21, 73:1, Eccl. 11:9-10, Isa. 14:9-17, Ezek. 11:17-21, 14:1-8, Mat. 5:8, 2 Cor. 9:7, Heb. 4:12-13, 1 Ped. 3:1-4, 1 Juan 3:18-21 return
8. Sal. 40:5-8, Mat. 20:28, 26:28, Luc. 24:46-47, Juan 1:29, 3:14-17, 6:51, 10:11-18, 11:49-52, Ara. 5:30-31, 20:28, 26:23, Rom. 3:22-26, 5:6-21, 1 Cor. 15:3-4, Gal. 1:3-4, 2:20, 4:4-5, Ef. 1:7, 2:13-18, 5:2, Col. 1:14, 20-23, 2:13-15, 1 Tes. 5:9-10, 1 Tim. 2:5-6, Tito 2:13-14, Heb. 2:9-10, 7:24-27, 9:6-7, 11-28, 10:4-14, 18-20, 26, 13:12, 1 Ped. 1:18-21, 3:18, Pal. 1:5-6 return
10. 1 Cor. 3:16-17, 6:19-20, 2 Cor. 6:16, Ef. 2:19-22 return
11. Mat. 6:22-24, Luc. 9:23-25, Juan 6:63, Rom. 6:1-13, 7:4-6, 8:1-14, 13:12, 1 Cor. 10:21, 2 Cor. 6:14-18, San. 4:4, 7-8, 1 Ped. 2:9 return
12. Juan 3:3-8, 14:23-26, 15:26-27, Ara. 1:1-8, 2:1-18, 38-39 return
13. Ezek. 36:27, Juan 14:15-21, 23, 26, 15:4-5, Rom. 8:10-11, 1 Cor. 3:9, 16, Gal. 2:20, Ef. 3:16-21, Fil. 4:13, Col. 1:27-29, 2 Tim. 1:14, 1 Juan 4:4 return
14. Ef. 6:17, Heb. 4:12, Pal. 1:16, 2:12, 16, 19:13-15 return
15. Sal. 34:1, Mat. 26:41, Luc. 18:1, 21:36, 22:40, 46, Ara. 6:4, Rom. 12:12, Ef. 6:17-18, Fil. 4:6, Col. 4:2, 1 Tes. 5:17, 1 Tim. 2:8, San. 5:16, 1 Ped. 4:7 return
16. Isa. 24:19-23, Mat. 24:3-35, 2 Ped. 3:10-12, Pal. 8:7-13, 9:1-19, 11:19, 16:2-4, 8-10, 12, 17-21, 21:1 return
Prayer footnotes:
1. Sal. 51:5, Rom. 3:10-12, 23 return
2. Mat. 26:63-64, 27:54, Luc. 1:30-33, Juan 9:35-37, Rom. 1:3-4 return
3. Ara. 4:12, 20:28, Rom. 3:25, 1 Juan 1:7, Pal. 5:9 return
4. Sal. 16:9-10, Mat. 28:5-7, Marc. 16:9, 12, 14, Juan 2:19, 21, 10:17-18, 11:25, Ara. 2:24, 3:15, Rom. 8:11, 1 Cor. 15:3-7 return
5. Luc. 22:69, Ara. 2:25-36, Heb. 10:12-13 return
6. 1 Cor. 3:16, Pal. 3:20 return
7. Ef. 2:13-22, Heb. 9:22, 13:12, 20-21, 1 Juan 1:7, Pal. 1:5, 7:14 return
8. Mat. 26:28, Ara. 2:21, 4:12, Ef. 1:7, Col. 1:14 return
9. Mat. 21:22, Juan 6:35, 37-40, Rom. 10:13 return
10. Heb. 11:6 return
11. Juan 5:14, 8:11, Rom. 6:4, 1 Cor. 15:10, Pal. 7:14, 22:14 return
12. Mat. 28:18-20, Juan 3:5, Ara. 2:38, 19:3-5 return
13. Deut. 4:29, 13:4, 26:16, Jos. 1:8, 22:5, 2 Tim. 2:15, 3:14-17, San. 1:22-25, Pal. 3:18 return