Pakadagupan ti Investigative Journal a Programa iti Radio
ni Greg Anthony iti First Amendment Radio
Agosto 7, 2014
Nangrugi ni Greg babaen iti panangibagana a ni Tony Alamo ket adda iti pagbaludan manipud idi 2008 para iti 175 a tawen gapu iti pinarpartuat a pannakaakusa iti abuso a seksual, ken no kasano a ni Tony, iti napalabas a 40 agingga 50 a tawen, ket ibagbagana kadatayo ti kinapudno maipapan iti impluensia ti Vatica iti wayawayatayo para iti relihion ken iti dinadiablo a wagasna a panangserrek iti sistema ti pulitikatayo. Impalawagna no kasano nga ab-abuten ni Tony ti ginasgasut a ribo a tattao iti entero a lubong babaen iti daytoy istoria a maibusor iti Vatica a masapol a maibaga gapu ta adda mapaneknekan nga ebidensia a mangipakita a pudno ti ibagbaga ni Tony, ken maidaddadanes isuna gapu iti daytoy.
Nadakamat ni Greg ti raut idi 2008 idiay Arkansas, ibagbagana a maiyasping ti pannakaraut daytoy a ministri iti raut a Wako-style a nangngegna manipud iti mainstream media a kasla adu ti pannakaammona maipapan iti daytoy a banag. Iti panagkunana ti intensionda ket iti panangiserra daytoy naballigi launay a ministri nga addaan kadagiti iglesia iti nadumaduma nga estado, kas met laeng iti inaramidda a personal ken ni Tony. Ti wagas a panangaramidda ket babaen iti panangatakeda kadagiti ubbing daytoy a ministri. Imbingayna no ania ti imbaga ti maysa a blogger maipapan iti dayta a raut: idi a sinerrek dagiti state ken federal law enforcement officials ti Tony Alamo Ministries, adu, no saan a kaadduan, kadagiti kadadakkelan a news media ti adda idi idiay Texarkana, Arkansas, a buybuyaenda amin a mapaspasamak, ngem awan pulos ti insuratda maipapan ditoy agingga a nangrugin. Isu nga ammoda amin ti maipapan iti daytoy. Dati a nakaiskediul ti raut iti Oktubre, ngem naisayangkat daytoy a raut iti Setyembre. Iti biarnes, ti aldaw sakbay ti raut, adda tao manipud iti US Attorney’s Office a saan nga impagpagarup a nag-email maipapan iti raut kadagiti nasurok a 50 media outlets iti entero nga estado. Dayta nga e-mail ket naipaw-it sumagmamano a lawas sakbay a maisayangkat ti naieskediul a raut. Patien ni Greg a palab-og daytoy tapno makombiktar ni Tony sakbay a maaddaan isuna iti umno a pannakausig.
Imbaga ti maysa a blogger a managan Frank Lockwood a: “Kalpasan iti pannakaibutaktak ti palimed, inapura dagiti law enforcement officials ti iskediulda. Masapol nga agdesision dagiti pagiwarnak no surutenda ti istoria iti pang-Sabado nga edision wenno aguray da pay ti maysa wenno dua nga aldaw. Iti naipakaammo a kaadda dagiti ubbing iti simbaan, ken iti alegasion a panangabuso kadagiti ubbing, nagboluntario ti tunggal news organization ti estado a saan nga agsurat maipapan iti raut agingga a saan a mangrugi daytoy." Inaramidda amin a media a magagaran iti maipapan iti daytoy; awan ti makaammo no ania ti eksakto a mapaspasamak. Makadadael daytoy a kombiksion kas mangrugi ti raut nga addaan pay kadagiti nangpalikmot a swat-team. Inladawanna no kasano a simrek dagiti swat team nga addaan kadagiti paltog ken armas, banag a nangkigtot la unay kadakuada, idi a dagiti ubbing ket adda iti ruar nga agay-ay-ayam, a padpadasenda nga arestoen ni Tony, ken awan pay a mismo isuna sadiay, ta adda isuna idiay Los Angeles iti dayta a kanito. Awan ti pakakitaan nga adda armas wenno aniaman a banag iti sular ti simbaan. Maysa daytoy a natalna nga organisasion, ken no kayatda nga arestoen ni Tony, mabalinda met nga aramiden iti naulimek a wagas, ngem masapol a maipabuya daytoy iti media, ken daytoy ket wagas a pangkombiktar kenkuana sakbay ti pannakaaramid iti umno a pannakausig. Innem nga ubbing ti naikabil iti kustodia ti estado iti dayta nga aldaw. Iti sumaruno nga aldaw, ti istoria ket naipablaak kadagiti amin a mainstream media. Panangaresto ti entero a nasion, ken ni Mr. Alamo ket nakombiktaren. Daytoy a pakasaritaan ket naipabuya iti Oprah Winfrey ken kadagiti dadduma a kadadakkelan a channel maipapan iti krimen.
Imbaga ni Greg a manipud iti pannirigan ti maysa nga attorney, awan unay ti maalada ditoy, ken no aniaman ti adda kadakuada addan mulitnan daytoy. Maysa daytoy a watershed case a mangipakita kenka no ania ti kabaelanda nga aramiden no desisionam ti bumusor iti Iglesia Katoliko ken iti Vatica. Impaganetget ni Greg no kasano kahipokrito ti Estados Unidos, ti doble ti istandardna, a mangpalpalubos kadagiti iglesia ti Vatica nga agtalinaed a silulukat uray no nagado unayen ti ebidensia maipapan iti napasamak iti pagadalan dagiti ubbing idiay Canada, idiay Ireland, dagiti panangparparigat ken panagab-abuso iti entero a lubong, ken palpalubusantayo pay laeng daytoy nga iglesia nga agoperar?! Addaanda iti kwarta ken pannakabalin ken kontrol iti gobiernotayo tapno maitarayanda ti panangabuso kadagiti ubbing. No addaanka iti timek a kas kapigsa ti timek ni Alamo, umaydaka tuntunen nga addaan kadagiti isu met laeng nga akusasion a pakaguiltianda ken usarenda ti media, ti FBI, law enforcement, ken panagsuhol, ken babaen iti panangpuersada kadagiti tattao a mangiyumay kadagiti palso nga akusasion a babawiendanto met laeng. Nadakamatna ti kaso a sibil idi Marso ken ti kagudua-billion a dolyar a pannaka-ukom.
Inladawan ni Greg ni Tony kas 79 ti tawennan ken bulag idiay pagbaludan. Ken imbingayna no ania ti imbaga ni Tony idiay pagbaludan: Iti agarup 50 a tawenen, pinadasdak nga iyapan iti pagbaludan. Umuna, inakusardak a maysa kadagiti komunista, ginulodatayo ken inkulongdatayo ken dagiti miembrotayo nga awan ressatna tapno maiserradatayo ken mapasardengda ti asawak a ni Susan ken siak a mismo manipud iti panangikaskasaba iti kinapudno maipapan iti Sao ti Dios. Santo kayatda nga agbalintayo a Waco, ken agtultuloy ti panangakusarda kadatayo kas nakaal-alinggaget a kulto ken armado a terorista. Santo naakusarak iti panangabuso kadagiti ubbing a dagiti darumna ket iti kamaudiananna inregreg ti Los Angeles District Attorney. Santo iti panangbutbuteng a mangkidnap iti Federal judge. Ti jury nasarakannak a saan a guilty. Santo naaramat ti IRS a mangaramid iti palso a kaso a saan a panagbayad iti buwis ti pastrek a saan met nga adda. Ti attorneyk, ni Jeff Dickstein, maysa a tax protester, ket naikabil iti posision a panangilako kaniak wenno isu a mismo ti maibalud. Naikkanak iti 6 a tawen a sentensia, ken gapu ta mayat ti rekordko idiay pagbaludan, naibaba iti uppat a tawen idi 1998. Intultuloy ti FBI ti nangim-imbestigar kaniak nga awan ressatna. Kamauddiananna, idi 2008, nakaalada iti sumagmamano a palso a saksi a pimmanaw iti iglesia saksakbay tapno umannamong ken makikooperar kadakuada. Ti idiayada a restitusion ken kwarta iti kaso a sibil ket makaallukoy launay. Ti kaso a sibil inusarna ti isu met laeng a lima a saksi ken ti maikainnem, a dati met laeng a miembro a nausar iti criminal trial, a mangpapigsa iti kaso. Ngem iti daytoy a kanito iti civil suit, kayatna a mangala iti kwarta a kas gungguna isu a nangaramid iti baro nga akusasion a napatanur kano isuna tapno agbalin nga asawa ngem nakatakas saksakbay. Ti maikapito ket adda iti simbaan agingga Hunyo, 2010, ammona pay laeng nga inosenteak ken supsuportaannak kalpasan ti trial. Santo pimmanaw idi Hunyo. Iti Agosto, simmali iti civil suit para iti kwarta. Ti civil suit ket iti federal court, ngem idi asideg ti trial, inadresan ti judge iti kamauddianan dagiti mosion para iti summary judgment a naisubmitar, ken amin dagiti federal charges ket nairegreg. Isu a ti kaso ket naiserra ken naisubmitar manen idiay state court ti Arkansas. Pinalubusan ti hukom amin dagiti darum nga impurwakna tapno maipakatda manen iti state court. Awanan kami ti kwarta tapno labanan manen ti kaso, isu a naabak kami babaen iti default.
Imbaga ni Greg nga inatakeda ni Tony ken ti iglesia iti pakasaktanna launay: dagiti ubbing. Sinukimatda ti tunggal ministrina para kadagiti dadduma nga ubbing a saan a naala iti immuna a raut. Inladawanna ti umuna a raut nga addaan kadagiti gasut a police officers, swat team, ken no kasanoda nga inala dagiti innem nga ubbing a babbai idiay ayan ti indayun. Awan uray maysa kadagita nga ubbing a babbai ti napaneknekan nga addaan iti aniaman a saan nga umiso a mainaig ken ni Tony. Impanawda idi a nakakarga iti van kas agkankanta dagiti ubbing a babai iti naebanghelyoan a kankanta. Inladawanna dagiti forensic interviews a naaramid kadagiti ubbing a babai iti sumaruno nga aldaw, no kasano nga awan ti aniaman a natakuatanda, ken no kasano a ti maysa ket kabsat ti maysa a nataengan nga agnanaed sadiay, ngem nagkedkedda latta nga isublida isuna kadagiti nagannakna. Innala ti DHS dagiti innem nga ubbing a babai, uray no awan met ti aniaman a saan nga umiso a nakitada, ken ti judge ket nangited iti pick-up order para iti tunggal ubing idiay simbaan iti tunggal lokasion ti US. Timmakas ti kongregasion a kaduada dagiti annakda tapno makatakasda—daytoy ti kasayaatan a wagas tapno madadael ti iglesia. Dinakamatna met no kasano a ti dua a van nga ubbing ket napasardeng iti freeway. Innalada dagiti maladaga ken ubbing ket saandan ida nga insubli. Kuna ni Greg a dayta ket panagkidnap. Inulitna nga imbaga nga awan pulos nasarakanda a ranggas a naaramid iti siasinoman kadagiti ubbing, ken awan ti aniaman a nasarakanda a maibusor ken ni Tony a mabalinda koma nga usaren iti kasona, kas ninamnamada. Ammoda nga isu ti wagas a pangrebba iti entero a ministri. Sinaludsod ngarud ni Greg no daytoy aya ket maysa a Gestapo a nasion. Kuna ni Greg a daytoy ket naaramid tapno mapasardengda ti ministri, tapno mapasardengda ni Tony nga agsao maibusor iti Vatica, ken tapno maalada amin dagiti gameng ken kwartana . Sinaludsod ni Greg, "Apay ta saanda nga alaen amin a kwarta manipud iti Vatica gapu iti amin nga inaramidda?" Adda ti kaso iti korte maipaay ditoy ket kunada, "Ti Vatica ket saan nga agnegnegosio iti Amerika." Pinadasda a rebbaen ti ministri babaen iti panangwara-warada kadagiti tattao nga agtatypeset, agprinprinta, ken agiwarwaras kadagiti babasaen, ken dagidiay a mangpatpatalinaed iti ministri nga agtultuloy nga agoperar kadagiti siudad iti entero nga US iti tunggal lawas, mangiwarwaras ken agibus-buson kadagiti babasaen. Inladawan ni Greg ti babasaen a kas iti ibagbagana iti pabuyana, ti impluensia ti Vatica iti wayawayatayo para iti relihion ken para iti gobiernotayo, ken iti panangkombinsida iti tunggal maysa a mamati nga isuda ti maymaysa ken pudno nga iglesia. No addaman ti kulto, daytoy ket ti Vatica! Imbaga ni Greg a dagiti nagannak ket addaan iti nakaal-alas a pagpilian no panawanda ti ministri wenno mapukawda dagiti annakda, ken mapukawda ti karbenganda kas nagannak. Ti pannakadadael ti agpada nga annak ken nagannak ti mangar-aramid daytoy iti naalumanay a wagas. Santo dagiti ubbing ket naan-anay a mabrainwash tapno bumusorda kadagiti bukodda a nagannak, ken guraenda ida ken iti iglesia a ti naminsan ket inay-ayatda.
Ti saludsod a dinamag ni Tony iti nakaibaludanna ket daytoy: "Iti kinaad-adu ti pammaneknek iti panangabuso kadagiti ubbing iti kulto a Katoliko, apay ta saan a mapagelan dagiti ubbing a mapan kadagiti pagadalan, simbaan, orpaneyds, kombento, etc.? Apay ta dagiti nagannak a Katoliko a mangibabaon iti inaldaw kadagiti annakda a mapan iti daytoy kulto a mangab-abuso kadagiti ubbing ket saan a maik-ikkatan iti karbengan kas nagannak ken apay a saan a maal-ala dagiti annakda?”
Imbingay ni Greg iti maysa nga istoria maipapan iti inangna a natay gapu iti lukemia idi innem a bulan ti premature a pannakaipasngayna iti kabsatna a lalaki ken idi a ti amana ket addaan iti nagadu nga utang a babayadan. Adda ti maysa nga orpaneyds a Katoliko iti saan nga adayo manipud iti pagnanaedanda a pangiyap-apananda kadagitoy amin nga ubbing.
Maysa a monsinior ti immay iti balayda, ngem imbes a mangidiaya iti tulong iti ama ni Greg, kayatna nga alaen dagiti ubbing manipud iti amana ket ikabilna ida iti Katoliko nga orpaneyds. Rinabsut ti amana diay monsinior ken impadegna iti pader, inlunodna ken kinugtaranna a paruar idiay agdan. Kuna ni Greg, "Dayta ti marikriknak maipapan iti Vatica. Kugtaran ida iti ubetda ken paruaren ida iti balaymo. Dayta ti inaramid ni tatangko, ket dimmakkelkami a nasalun-at launay ken naragsak, ken ti kabsatko a lalaki ita ket maysa a naballigi a negosiante." Nagsapata ti amana a saanen pulos a bumaddek iti simbaan a Katoliko, ket saanna pulos nga inar-aramid. Ken saanna pulos a pinagadal ti kabsatna iti pagadalan a Katoliko. Kiniddaw ti ama ni Greg a palubusanna isuna a mangikkat kenkuana manipud iti pagadalan a Katoliko, ngem nagpakaasi ni Greg a palubusanna isuna nga agtalinaed sadiay ta adadiay dagiti gagayyemna ken kapukpukawna laeng ti inana.
Iti second half, nadakamat ni Greg dagiti pagbaludan nga ayan ni Tony ken no kasanoda a sukimaten ti amin a komunikasion ken no kasano a maar-aramid ti panagbisita; awan pulos ti pribado. Binayadan ti gobierno ti Cult Awareness Network iti nasurok a $5,000.00 para iti tunggal maysa kadagiti tallo a saksi maibusor ken ni Tony para iti dua a lawas a nakaro a deprogramming iti nasulinek a lugar a waaw-awagan iti Wellspring Retreat. Baybayadan ti gobierno ti pasaheda a mapan ken agsubli ken nagbayadda iti $1,500.00 para iti anak ti maysa kadagiti saksi tapno mabantayan kabayatan a ti inana ket adda iti counseling. Binayadanda dagiti saksi babaen iti parang a panagbayad iti utang a saanda a maitrabahoan tapno bayadanda koma kabayatan nga addada sadiay, kas iti car insurance, etc. Ti dati a panguloen ti Wellspring, ni Paul Martin, ti personal a nagtrabaho kadagitoy a saksi. Naaramid daytoy idi Disyembre iti 2008, ken kalpasan daytoy ni Mr. Martin ket naduktalan nga addaan sagubanit, nasarakan nga addaan lukemia ken natay kalpasan ti sumagmamano a bulan.
Iti napalabas, ti testimonia dagiti nadeprogram idiay Wellspring ket linaksid ti korte. Ngem no siasinoman manipud iti depensa ket makitungtong laeng koma iti maysa a saksi, mabalin a makasoan iti panangim-impluensia kadakuada. Ngem mabalin ti gobierno nga iyapan dagiti saksida iti daytoy a lugar tapno madeprogramda. Mabalin a dagiti tattao ket sumrek nga awan pampaniganna ngem rumuar a bumusor. Napateg daytoy a punto iti daytoy a kaso.
Imbagana a nadakamat ni Dorothy Curry iti programa ti telebision a Dagiti Saan a Nasolbar a Misterio ket nagulbod, ken saan nga inabuso ni Tony Alamo ti bassit nga ubbingna. Daytoy ket idi 1991 idi a padpadasenda nga aramiden ti isu met laeng a banag ken ni Tony, a saan a naballigi. Imbasa ni Greg ti dadduma kadagiti imbaga ni Dorothy iti babasaen a sinungbatanna dagiti akusasion ni Jim Griffin nga inabuso ni Tony ni Carissa.
Nagbasa ni Greg manipud iti artikulo iti Protestant Mission Newsletter iti British Columbia no kasano a dagiti kakabsat a lalaki manipud iti ministri ket napan idiay Canada ken nagiwaras kadagiti babasaen maipapan iti Ebanghelio idi a nakaiskediul a mapan bumisita sadiay ni Pope John Paul II. Iti aldaw a isasangpet ti papa, dagiti kakabsat a lallaki ket naarestoda. Awan ti naiparang a kaso, awan dagiti rason a naited, ngem naikulongda agingga iti aldaw a pimmanaw manipud Canada ti Papa. Idi a napabulusanda nga awan pannakailawlawag wenno dispensana, intuloy ni Greg ket kunana nga imbaga ti nagsurat iti artikulo a ti pannakaiwaras ti babasaen a mangibutbutaktak iti Romano Katolisismo ti pudno a rason no apay nga adda manen iti pagbaludan ni Tony Alamo. Padpadasen dagiti turay ti mangikabil kadagiti palso a saksi. No maseknan launay dagiti turay maipapan kadagiti ubbing a maab-abuso a pisikal ken seksual, apay ngarud ta saanda a pasardengen ti tunggal institusion a Romano Katoliko agsipud ta napaneknekan ti kinapudno a dagiti rinubribo nga ubbing (innayun ni Greg a ginasgasut a ribu, minilmillion kadagiti tawtawen) ket namolmolestia a pisikal ken seksual, naparparigat, ken pinappapatay pay dagiti saan a makaasawa a padi? Sinaludsodna, "Namin-ano a daras a nakangngegkayo iti padi nga inakusar iti maysa kadagiti biktimada iti panangrames a seksual ken panang-abuso, a mangnam-nama iti hustisia, a maammoamto laengen a daytoy a perberto ket nalimed a naiyalis iti sabali a monasterio wenno iti sabali a simbaan tapno maituloyna ti panagabuso iti sabali a lugar? Ayanna ti hustisia? Apay ta dagiti nagannak a Katoliko a makaammon maipapan kadagiti amin nga ubbing a minolestia dagiti papadi ket agtultuloy a mangibabaon kadagiti annakda a mapan kadagitoy a perberto a seksual a pedopilia? Ayanna ti natural a panagayatda? Saan kadi a panangbaybay-a dayta? Ammoda ken mabasbasada nga inaldaw ti maipapan kadagiti pedopilia kadagiti pagiwarnak. Apay ta dagiti turay ket saan a maseknan maipapan iti daytoy dakkel a pannakaabuso a seksual dagiti ubbing? Adda ti doble nga istandard, maysa para iti Roma, ken maysa a para iti dadduman iti lubong a kas iti pakasaritaan ni Tony Alamo."
Nangbasa ni Greg iti sinurat ti tao a managan Shane idi 2009 a nangawag iti DHS a department of human suffering. Imbagana a nagkidnap ti DHS iti 35 nga ubbing, inkulongda ni Tony Alamo, ken iti panangaramidda daytoy, ket epektibo a panangikabil iti Biblia iti pannakausig. Ti Alamo ministri ket saan a kulto wenno sekta, ngem nakappia a komunidad dagiti mamati iti Biblia a Kristiano nga aktibo iti panangikaskasaba iti Biblia iti entero a lubong.
Ti patetiko a rason nga inted ti judge maipaay iti pannakaala dagitoy nga ubbing manipud kadagiti nagannakda ket gapu ta saanda a nabakunaan ken saanda a naerihistro iti gobierno a kas home-tutored wenno masursuroan iti pagtaenganda. Kunana nga iserserradan dagiti dadduma kadagitoy website a bumusor iti panagbakuna. Imbaga ni Shane a ti kinapudno iti likudan dagitoy a panagkidnap ket gapu ta ikaskasaba ti Alamo ministries ti "MISTERIO TI NAINDAKLAN A BABILONIA, TI INA DAGITI BALANGKANTIS KEN DAGITI MAKARIMON ITI LUBONG" (Paltiing 17:5).
Kuna ni Greg a ti laeng rason iti panangalada ken ni Tony ket gapu ta naballigi launay isuna. Ti ministrina ket naglatak la unay, ken ti mensahena ket madandanunna iti rinibribo ken ginasgasut a ribo a tao. No agtugtugaw isuna iti pagtaenganna a makitungtungtong iti 20 a tao, saanda pulos koma riningringgor isuna, ngem saanda kayat a maibutaktak ti palimedda iti layang, ket daytoy ti rason no apay a napasamak kenkuana daytoy. Ti laeng solusion ket iti saanmo a panamati iti nangngegmo iti mainstream media maipapan iti daytoy nga istoria gapu ta saanda nga imbaga kenka ti maipapan iti koersion; saanda nga imbaga kenka ti maipapan iti adu a bambanag. Kinombiktarda isuna ket dinakamatda laeng daytoy nga istoria manipud iti pannirigan iti prosekiutor, ken siasinoman a dumngeg ditoy ket pumanaw nga ibagbagana, "Sigurado a nagbasol siguro isuna." Kasta no kasano ti panagtitimpuyog ti gobierno, ti media, ken ti Vatica.